Nongstoiñ, Risaw 04
Ka NFA Nongstoiñ ka la khur jingjop ha ka lympung ïalehkai 1st Veteran Knockout Football Tourna -ment 2026, hadien ba ka la pynliem noh ïa ka MLG- Nongstoiñ da 4-0 kol ha ka sngi Saitjaiñ ha madan Mawkaton, West Khasi Hills.
Kane ka nam jop ka la wan urlong lyngba ki kol ba la thep da u Jonas Mawlot ha ka minit kaba 12, kumjuh u Blestarrose Shangdiar (40 & 50) bad ïa kawei pat la thep da u Charlee (47)
Haba phai sha kawei pat ka lympung ïalehkai jong ka Mawkaton Invi-tation Football Tourna-ment 2026 ia kaba la pynlong hi da ka Mawkaton Sports and Cultural Youth Club ha kajuh ka madan, ka Kynshi Mawria ka la jop da 3-1 kol ia ka 1st MLP kaba la long shisha ka jingialehkai kaba itynnad bha.
Ïa ka nam Man of the Match la khur da u Meai Marbanniang na ka Kynshi Mawria bad la sam ïa ka trophy ha kaba u Dr. L.L Mawsor, Vice President ka MFA.
