Shillong, Risaw 04
Ka Jylla ka la sei sa kawei ka synjuk ialehkai kaba thymmai ba la tip kum ka Meghalaya Rugby Association, ha kaba ka la ïoh jingithuh na ka Rugby India.
Kane ka jingithuh da ka Indian Rugby Football Union (Rugby India) ïa ka Meghalaya Rugby Association (MRA) ka la treikam naduh ka 21 tarik mynta u bnai bad ïa kane ka synjuk la mynjur ha ka jingïalang kaba la long ha ka 19 tarik mynta u bnai.
Lyngba ka jingïoh ïa kane ka synjuk kaba thymmai, mynta ka Jylla ka la lah ban sei ïa ki nongïalehkai ha ki lympung ïalehkai Rugby kylleng ka ri India bad ruh ban kyntiew ïa kane ka jingïalehkai.
Kat kum ka kyrwoh ba la pyllait da katei ka synjuk, ka la kyntu ïa ki nongïalehkai, ki skul, ki kolej bd ki klob kiba kwah ban pynïasoh ki lah ban wad jingtip na u General Secretary ka MRA lane phone ha ki number 9774006697 lane 9863063819.
