Jowai, Risaw 04
Ka Lumkynsaw bad Thadmusem ki la rung sha ka quarter final ha ka lympung ïalehkai 2nd Division Football League ba la pynïaid da ka Thadlaskeiñ Sports Association, hadien ba ki la khur jingjop ha ka sngi Saitjaiñ ha madan Multi Sports Complex, Wahïajer.
Ha ka jingïalehkai pre-quarter final kaba nyngkong, ka Lumkynsaw ka la pynliem noh ïa ka United FC da 4-0 kol. Ïa kine la thep da u Chanbor Pale (1), Armanki Lamare (19), Shemphang Kharshohnoh (39), bad Hellmi Passah (41).
Haba phai sha kawei pat ka jingïalehkai kaba bud, ka Thadmusem ka la pynjem khnap ïa ka Bamkamar haduh 7-0 kol.
U Samson Nongrum ula khyrwit da ka hat-trick ha ka minit 16, 38 & 57, ha kaba la bynrap da u Samuel Shadap (50 & 72), Kermi Dkhar (45), bad u Johny Dkhar (49).
