Shillong, Risaw 04
Ka Tyrsad Area Sports Association (TASA) ka la sdang ïa ka aïom ïalehkai phutbol 2026-27 da ka First Division Football Tournament ha ka sngi Saitjaiñ, ha kaba ka Mawsawrit SC ka la khur ïa ka jingjop.
Ïa kane ka lympung la wan ban plie da u President barim ka FKJGP Bah Wellbirth Rani kum u kongsan bad u Bah Auspicious Lyngdoh kum u symbud kongsan ha ryngkat ka jingïadon lang ki dkhot ka TASA bad kiwei.
Ha katei ka jingïakhun kaba nyngkong ka jingïalehkai ka la long kaba itynnad, hynrei ka Mawsawrit ka la pynkhih jar nyngkong lyngba u Mewanshan Umdor ha ka minit kaba 41. Kane ka kynhun ka la thep biang sa ar kol ha ka kylla miet lyngba u Rulangstar Umdor (76) abd u Balkistar Umdor (88) na ka bynta ban khur ïa ka jingjop.
