Shillong, Risaw 05
Kawei ka kali Damper, kaba la hap shapoh riat Wah Umngot, marjan bad ka jingkieng Dawki, naduh ka 17 tarik u Nailur, 2026, la lah ban tan noh hynnin ka janmiet jong ka sngi U Blei, ka 05 tarik u Risaw, 2026.
Kane ka jinghap katei ka kali Damper, ka la poi sha ka ar taïew tam eiei, ha kaba ym shym la lah ban tan satia bad dei tad haduh hynnin ka sngi, ki sa lah ban tan noh. La ïoh jingtip ba ïa katei ka kali Damper, la sdang ban tan naduh ka por 4 baje eiei janmiet haduh ka 10 baje mynmiet, da saw tylli ki kali khwai.
Katkum ki tyllong khubor ba la ïoh lum la ong, ba ki paidbah bad ki nongwan jngohkai pyrthei, ki la mad ka jingeh shibun namar ka jingsahkut kali kaba da ki kynta ha kitei ki bynta, namar ka jingïakhun ban tan ïa katei ka Damper.
Nalorkata, la ïoh jingtip ruh ba u nongñiah ïa katei ka kali Damper, u la rynsied kynsan mar shu kylla sha riat bad u la sahkut ha shiteng jong katei ka riat, ha kaba u la mynsaw jur, hynrei kaba sngewsih ka long ba u la khlad noh mar shu poi ha jaka sumar.
