Jowai, Risaw 05
Ka Lad Mukhla bad Mupliang Good Will ki la rung sha ka semi final ha ka lympung ïalehkai 2nd Division ba la pynïaid da ka Thadlaskeiñ Sports Association (TSA) hadien ba ki la khur jingjop ha ka lah sngi U Blei.
Ha ka jingïalehkai quarter final kaba la long ha Multi Sports Complex Wahïajer, ka Lad Mukhla ka la pynliem noh ïa ka Mynsngat Ryntih da 2-1. Ïa kine la thep da u Pynphrang Mukhim (20) bad Endric Suna (44), katba ka Mynsngat Ryntih ka la thep kol nyngkong da u Ryntih Shylla (3).
Haba phai sha ka jingïalehkai kaba bud, ka Mupliang Good Will ka la jop ïa ka Namdong Christian Club lyngba ka tie-breaker da 5-4 kol.
