Shillong, Risaw 06
Ka India ka la khur ïa ka jingjop kaba nyngkong ha kaba sdang ïa ka AFC U-17 Women’s Asian Cup 2027 (qualifiers), hadien ba ka la lah ban pynjem khnap haduh 14-0 kol ïa ka Iraq ha lah sngi U Blei ha Selayang, Malaysia.
Ka Anushka Kumari ka la khur ïa ka hat-trick da kaba ka la thep marwei haduh saw kol ha ka minit kaba 9′, 12′, 39′, 47′. Ïa kiwei pat la thep da ka Thandamoni Baskey (14′), Silky Devi Sorokhaibam (21′, 30′) bad ka Nira Chanu Longjam (42′) na ka bynta ban tam da 8 kol ha ka kylla step. Ka India kaba don ha ka Group-E, ka la thep biang sa san kol biang ha ka kylla miet ha kaba la bynrap biang ka Anushka (71′) kaba la ïoh ïa nam Player of the Match, kumjuh ka kapten ka Abhista Basnett (70′, 86′) kaba la thep ar kol. Nangta la thep biang sa ka Pritika Barman (50′), Joya Kabul Hasan (79′) bad ka Alva Devi Senjam (90’+3).
Kane ka long ka jingjop kaba heh duh na ka bynta ka India naduh ba ka la jop teng da 12-0 kol ïa ka UAE (2014) bad ïa ka Sri Lanka (2018).
Ha kane ka jingïakhun ka ‘thei ïalehkai ka Jylla, ka Bonifilia Shullai ka la ïoh ban mih madan ha kylla miet.
Ka India kan ïakhun pyrshah ïa ka Syria ha ka 8 tarik ha ka por 1 baje mynsngi hashwa kan ïakynduh sa ïa ka Malaysia ha ka 11 tarik ha ka por 6:30 janmiet. Lada ka India ka lah ban wan ha ka kyrdan ba hakhlieh ha katei ka group, kan ïoh rung sha ka AFC U17 Women’s Asian Cup 2027 ka ban long ha China.
Ki kyrteng ki ‘thei ïalehkai ka India ki long ka Munni (GK), Taniya Devi Tonambam (sub Bonifilia Shullai 46′), Thandamoni Baskey (sub Monika Devi Wairok-pam 46′), Julan Nongmaithem, Anushka Kumari, Alva Devi Senjam, Ritu Baidaik, Redima Devi Chingkhamayum (sub Yashica Haribabu), Abhista Basnett, Nira Chanu Longjam (sub Joya Kabul Hasan), Silky Devi Sorokhaibam (sub Pritika Barman 46’)
