Jowai, Risaw 07
Ka Tyrshang SC ka la khur jingjop ha ka lympung ïalehkai 1st Division (Hajan Shylla Memorial Football League) ba la pynïaid da ka Thadlaskeiñ Sports Association (TSA), hadien ba ka la lah ban pynliem noh ïa ka Bamkamar SC da 2-1 kol ha ka sngi Balang ha Multi Sports Complex, Wahïajer.
Watla ka jingïakhun ka la long kaba ïakhaid bha, hynrei ka Tyrshang ka la ïoh ban pynkhih jar nyngkong eh lyngba u Strongpillar Kharpomtiah ha ka minit kaba 32. Hadien phra minit ka Bamkamar ka la pynphai kylla lyngba u Khalius Nongrum na ka bynta ban ïakhaid mar shi kol.
Hadien ba la bteng ïa ka kylla miet ka Tyrshang ka la thep biang ïa ka kol kaba ar Kamni Challam (55). Haduh kaba kut ka liang pyrshah kam shym la lah ban pynphai bad ka la mad ïa ka jingshah rem.
