Jowai, Risaw 08
Ka Evergreen SC ka la khur jingjop ha ka lympung ïalehkai 1st Division Football League ba la pynïaid da ka Thadlaskeiñ Sports Association (TSA) hadien ba ka la pynliem noh ïa ka Lumsharatoh SC da 2-1 kol ha ka sngi Palei ha Multi Sports Complex kaba ha Wahïajer.
Ha kane ka jingïakhun ka Lumsharatoh ka la lah ban ïalehkai bha ha kaba ka la ïoh ban pynkhih jar nyngkong ha ka kylla step lyngba u Teimiki Lamare (27), hynrei ka Evergreen ka la wanphai da ka jingkhlaiñ bor ha ka kylla miet ha kaba ka la pynphai haduh ar kol lyngba u Kitboklang Phawa (80) bad u Dathrang Dkhar (84) na ka bynta ban khur syndon ïa ka jingjop.
