Saudi, Risaw:
Ki bor pyniaid ka Saudi Arabia ha ka Sngi Balang ki la pyntip ba 3 ngut ki la duh ei noh ïa ka jingim ha ka jingleit thombor jong ki lehnoh Houthi sha 2 tylli ki Kad liengsuiñ ba treikam shabar ri jong ka Saudi, kynthup ïa ka Kad Liengsuiñ ha ka nongbah Riyadh, hadien ba ki lehnoh Houthi jong ka Yemen ki la pynbna ba ki la ioh ban thombor ïa kitei ki jaka paidbah jong katei ka ri.
Namar la ong ba kitei ki lehnoh kiba ju ioh jingkyrshan na ka Iran, ki la shim ïa ka jingkitkhlieh na ka bynta ka jinghiar thma kaba jur bha kaba kynthup ïa ka jingsiat ïa u namding ha Riyadh King Khalid International Airport katba ka jingïakynad ka nang jur bad ka Saudi Arabia kaba kyrshan ïa ka sorkar Yemen.
“Ha ka sngi thohdieng bad sngi thohdieng… Ka kad liengsuiñ Abha bad ka kad liengsuiñ King Khalid ki la shah thombor da kaba thmu ïa ki jaka treikam jong ki,” la ong ka bor pynïaid liengsuiñ jong ka hima ha ka kyrwoh, khlem da kynnoh ïano ïano ruh halor kine ki jingshah thombor.
Uwei u nong Egypt bad uwei u nong Algeria ki la ïap ha ka kad liengsuiñ Abha bad uwei u nong Sudan u la ïap ha ka kad liengsuiñ ha Riyadh, ong ka tnat treikam bad 36 ngut ki briew ki la mynsaw ha kine ki jingshah thombor.
Ka kynhun synrop ba la ïalam da ka Saudi Arabia kaba kyrshan ïa ki shipai kiba kyrshan ïa ka sorkar ha Yemen ka la ong ha ka X ba ka la “pynpra ïa ka jaka pynher namding ballistic” ba la pyndonkam ha ka jinghiar thma ïa ka nongbah Riyadh.
Ka kynhun Yemen, kaba synshar ïa kiba bun ki bynta jong ka thaiñ shatei lam mihngi jong ka ri, ka ïakhun ban ïoh ïa ka jaka pyrshah ïa ki shipai ba la kyrshan da ka Saudi hadien ba ka thma pohïing ka la bthei biang ha u bnai Jylliew bad ka la ïoh ban kurup ïa ki jaka ba heh ha ki rud duriaw.
Katei ka jingialeh, ka la pynkynriah ïa palat 200000 ngut ki briew, hapoh katei ka ri, ong ka khubor jong ka United Nations, ha ka sngi thohdieng.
Ka sorkar Yemen kaba la ithuh da ka pyrthei mynta ka taiew ka la pynbna ïa ka jinghiar thma kaba jur bad ka la kam ba ka la beh noh ïa ki nongialehkai Houthi na ki jaka ba kongsan ha ka Duriaw Basaw bad ka nongbah kad lieng jong ka Mocha.
Hynrei ki Houthi kiba la kyrshan da ka Iran, ki ong ba ki dang bat ïa ka jaka jong ki, bad ki tyllong khubor shipai na baroh arliang, kiba la iakynduh da ka AFP, kim shym la iathuh ïa kino kino ki jingkylla kiba khraw ha katei ka jaka.
Ki jingdawa jong ki seng kiba ïaleh thma kim shym la lah ban pynshisha da lade namar ka jinglong jingman ka ïaid stet bad ka jingïoh rung na ka bynta ki nongthoh khubor ka long kaba eh.
