Shillong, Risaw 08
Ka East Khasi Hills District Chess Association (EKHDCA) kan pynlong ïa ka lumpung ïalehkai chess ba la tip kum ka “8th East Khasi Hills District Chess Championship 2026” ha ka 14 bad 15 tarik mynta u bnai ha Khasi National Dorbar Hall, Mawkhar naduh ka por 9 baje mynstep.
Kat kum ka kyrwoh ba la pyllait da u Bah Rijied Katrai, General Secretary, la ong ba ka jingthmu jong kane ka long ban jied ïa ki 12 ngut ki nongïalehkai ba kynsai ki ban mihkhmat ïa ka District sha ka “49th Meghalaya State FIDE Rating Chess Championship 2026” ka ban long ha Nongstoiñ naduh 22 haduh 24 tarik mynta u bnai.
La pynkhreh ïa ki khusnam pisa, trophy bad ki syrnod na ka bynta ki nongjop. Ïa ki jingtip kiba bniah ki lah ban ïakynduh ïa ka Kong Sumar Selon K Khonglah, Jt. Secy. ( 7628912392) bad Kong Aity Diengdoh (9366058853).
