Khliehriat, Risaw 09
Ka Shilliang Umshong SC ka la khur jingjop ha ka Super Division-6th Kyrmen Shylla Contribution Trophy ba la pynïaid da ka East Jaiñtia Hills District Football Association (EJHDFA) ha madan artificial turf Diengshynrum, Khliehriat ha ka 09 tarik Risaw.
Ha ka jingïalehkai ka Shilliang Umshong SC ka la jop da 1-0 kol ïa ka Sutnga SSCC lyngba ka kol ba la thep da u Besterly Ksih ha ka minit 87.
Katba ha ka jingïalehkai jong ka kyrdan 1st Division-1st Thomas Nongtdu Memorial Trophy, ka jingïalehkai ka la kut da ka jingïasam poin hapdeng ka Khliehriat West YWSC bad Lumshnong YWSC.
Ïa ka kol jong ka Lumshnong YWSC la thep da u Golden Japai ha ka minit 15, katba ïa ka kol ka Khliehriat West la thep da u Plol Dkhar ha ka minit 58.
