Mawkyrwat, Risaw 09
Ka Domjyrti SC ka la long ka lahduh ha ka lympung ïalehkai jong ka 2nd Division Football League 2026-27 ba la pynïaid da ka Mawkyrwat District Sports Association hadien ba ka la lah ban pynliem noh ïa ka Mawsep Sc da 1-0 kol ha madan MDSA artificial turf Nonglang, South West Khasi Hills District.
Katba ha ka jingïalehkai jong ka 3rd Division ka Domjajew SC ka la long ka lahduh hadien ba ka la lah ban jop ïa ka Pynden Umjarain SC da 2-1 kol bad ha jingïalehkai jong ka 4th Division ka Mawbri S&CC ka la long ka nongjop hadien ba ka pynliem noh ïa ka Nongrynniang SC da 2-1 kol.
Ha ka jingïalehkai 3rd bad 2nd Division ka MDSA ka la ïatreilang bad ka ophis u District Sports Officer South West Khasi Hills District katba ha ka 4th Division under-18 ka la ïatreilang bad ka ophis u District Social Welfare Officer, South West Khasi Hills District halor ka phang “Play For Glory Say No To Drug”.
Ïa kane ka lympung kaba la long ha ka 09 tarik u Risaw 2016 la wan ban pynhap pyrda da u Bah J.P Wahlang, Executive Engineer PWD Mawkyrwat Division ha ryngkat ka jingdonlang u Bah E. Tariang, District Social Welfare Officer, SWKHD, Bah H.S Diengdoh, SDO barim ka Ranikor Civil Sub Division, Bah Y.G. Lyngdoh, Working President MDSA, Bah Lying Lyngdoh, Vice President bad Bah Khraw Shangdiar, Secretary, ki nongkitkam ka MDSA bad kiwei kiwei.
