Jowai, Risaw 09
Ka Mupliang Goodwill ka la rung sha ka final jong ka lympung ïalehkai 2nd Division-(L) Joybell Suiam Memorial Football League ba la pynïaid da ka Thadlaskein Sports Association (TSA).
Kane ka la wan hadien ba ka Mupliang Goodwill ka la pynliem ïa ka Lad Mukhla da 4-1 kol ha ka jingïalehkai 1st semi final kaba la long ha madan Multi Sports Complex, Wahiajer ha ka 09 tarik Risaw.
Kane ka jingjop jong ka Mupliang Goodwill ka la wan lyngba ka jingïashut tie breaker hadien ba ka jingïakhun ha ka por ba la buh ka la kut da ka jingïakhaid kaba mar 2-2 kol.
Ïa ki kol ka Mupliang Goodwill la thep da u Spain Rymbai ha ka minit ba 17 bad Jerson Phawa ha ka minit ba 20. Katba ïa ka Lad Mukhla la thep da u Rimi Pyrtuh ha ka minit 25 bad Pyrkhatbha Suna ha ka minit 59.
Ha ka 10 tarik Risaw ka jingïalehkai 2nd semifinal kan long hapdeng ka Shillong Police bad Maskut haka por 12.00 baje mynsngi.
