Shillong, Risaw 11
Ka jingïaknieh lait hiar ne ka Bottom League jong ka lympung ïalehkai First Division Football League ba la pynïaid da ka Shillong Sports Association (SSA) kan sdang naduh ka sngi Ba-ar ha kaba ka Laitkyrhong SC kan ïakynduh pyrshah ïa ka Nongrim Hills bad ka Ryntih ïa ka Mawtawar SC. Kine ki jingïalehkai kin long ha ka por 12 baje mynsngi ha SSA Stadium bad ha madan MFA.
Ha ka 16 tarik ka Nongrim Hills ïa ka Ryntih bad ka Mawtawar ïa ka Laitkyrhong ha ka por 12 baje mynsngi. Katba ha ka 19 tarik ka Mawtawar ïa ka Nongrim Hills bad ka Laitkyrhong ïa ka Ryntih, ki ban ïakhun ha ka por 10 baje mynstep.
Ha kaba ïadei bad ka semi final jong kane ka lympung kan long ha ka 15 tarik mynta u bnai, ha kaba ka Nongkrem kan ïakynduh pyrshah ïa ka Mylliem Lum ha ka 12:30 mynsngi, katba ka Mawkhar ïa ka Malki ha ka por 4 baje nohphai sngi.
Ïa ka jingïakhun final yn pynlong ha ka 19 tarik mynta u bnai ha ka por 2:30 nohphai sngi.
