Jowai, Risaw 11
Ka Shillong Police ka la rung sha ka final ha ka lympung ïalehkai 2nd Division na ka bynta ka Joybell Suiam Memorial Football League ba la pynïaid da ka Thadlaskeiñ Sports Association (TSA).
Kane ka jinglah ban pynthikna ka la wan urlong hadien ba ka la pynliem noh ïa ka Msakut da 4-1 kol ha ka jingïalehkai semi final ha ka sngi Saitjaiñ ha Multi Sports Complex kaba ha Wahïajer.
Kane ka jingïakhun ka la long kaba ïakhaid bha ha kaba ka Shillong Police ka la pynkhih jar nyngkong lyngba u Ïohbor Nonglyer ha ka minit kaba 4, hynrei ka Maskut ka la pynphai kylla lyngba u u Elias Nongspung (18).
Hadien katto katne por ka Shillong Police ka la thep biang ïa ka kol kaba ar lyngba u Korbarsing Dkhar (23). Kumjuh u Ïohbor u la thep biang ïa ka kol kaba ar jong u ha ka minit kaba 40, hashwa ba u Firstpillar Suchiang (59) un thep kol na ka bynta ban pynlong ïa ka Shillong Police ban khur syndon ïa ka jingjop.
