Khliehriat, Risaw 12
Ka Diengchynrum SC bad Byndihati CSC ki la ïasam mar shi poiñ ha ka Super Division, katba ka Rymbai Synrangshahkhain SC ka la khur jingjop ha ka 1st Division Football League ba la pynïaid da ka East Jaiñtia Hills District Football Association (EJHDFA).
Ha ka Super Division na ka bynta ka 6th Kyrmen Shylla Contribution Trophy ba la pynlong ha madan Diengshynrum kaba ha Khliehriat, ka jingïalehkai ka la kut da ka jingïakhaid mar 1-1 kol hapdeng ka Diengchynrum SC bad Byndihati CSC.
Kine ki kynhun ki la thep mar shi kol hashwa ban wai ha kaba ka Diengchynrum la thep da u Manful Rupsi (90+3) bad ka Byndihati ka la pynphai kylla lyngba u Thinkwell Bareh (90+4).
Haba phai sha ka 1st Division, ka Rymbai Synrangshahkhain SC ka la jop da 3-0 kol ïa ka Bataw YWSC. U Seigoulen Kipgen (33 & 81) u la thep ar kol bad ïa kawei pat la ïarap pynthep da u rangïalehkai ka liang pyrshah u Close Suchiang (67).
Lyngba kane ka jingjop ka Rymbai Synrangshahkhain SC ka la rung sha ka quarter final bad ïoh ruh ban bat ïa ka kyrdan ba hakhlieh na ka Pool-B da kaba kamai 9 poiñ na ki lai sien ïakhun.
