Shillong, Risaw 12
Ka long ka jingkmen kaba khraw ba uwei na ki nongrah nar ka Jylla, u Bikas War u la wanrah nam bad burom da kaba khur ïa ka nam lahduh ha ka World Cup Powerlifting Championship 2026 kaba la long ha Kathmandu, Nepal.
Utei u rangïalehkai uba na Nartiang, West Jaiñtia Hills u la mihkhmat tang marwei ïa ka Jylla ha ka kyrdan ïakop jong ka Deadlift Under 52Kg Sub-Junior Category, ha kaba u la lah ban rah ïa ka jingkhia kaba 135 kilo bad ban khur ïa ka takma ksiar.
Ha kane ka jingïakop kaba la sdang naduh 9 haduh 11 tarik u Risaw la wan shim bynta da ki nongïalehkai kiba na kylleng ki ri kum na India, Pakistan, Uzbekistan, Bangladesh, Nepal, Bhutan, Sri Lanka bad Malaysia.
Ïa kane ka jingïakop rah nar la pynïaid da ka World Raw Powerlifting Federation (WRPF) ryngkat ka Global Powerlifting Alliance (GPA) bad Universe Fitness Alliance (UFA).
