Amlarem, Risaw 13
Ka Lumpyngad YC bad Jarain CSC ki la ïasam mar shi poiñ ha ka Super Division, katba ka Krangpamradong SC, Amlari SSA bad Evergreen YC Pdengshakap ki la khur jingjop ha ka 3rd Division jong ka Amlarem Football League.
Ha ka jingïalehkai jong ka Super Division kaba la long ha Mini Stadium kaba ha Ladjaplem ha ka sngi Ba-ar, ka Lumpyngad YC bad ka Jarian CSC ki la ïakhaid mar 1-1 kol. Ka Lumpyngad ka la pynkhih jar nyngkong lyngba u Alphaious Pamblang (25), hynrei ka Jarain ka la pynphai kylla lyngba u Kyrshan Sumer (66).
Ha ka jingïalehkai jong ka 3rd Division, ka Krangpamradong ka la pynliem noh ïa ka Amutong Pyrshang YC lyngba ka shi kol ba la thep da u Pynjanai Dkhar (26).
Ha ka jingïalehkai kaba bud, ka Amlari SSA ka la jop da 3-1 kol ïa ka SS Kmaishnong. Ïa ki kol jong ka Amlari la thep da u Firstlish Pala (2), bad ïa ki ar kol la thep da u Mardi Sapuh (45 & 29). Hynrei ka Kmaishnong ka la pynphai kylla shi kol da u Cleansanroi Suliang (34).
Ha kawei pat ka jingïalehkai, u Youwan Tariang ula khyrwit da ka hat-trick na ka bynta ban thep marwei haduh saw kol ha ka minit 24, 36, 43 bad 45 kaba la pynlong ïa ka Evergreen YC Pdengshakap ba kan pynliem da 4-1 kol ïa ka Amlatdoh CUSCC.
