Shillong, Risaw 13
Ka Wahlyngkien Sunei SC bad ka Mawlum Tyr-sad SC ki la khur jingjop ha ka lympung ïalehkai 1st Division Football Tournament 2026 ba la pynlong da ka Tyrsad Area Sports Association (TASA) ha ka sngi Ba-ar.
Ha kane ka jingïakhun ha madan Mawlum kaba ha Tyrsad, ka Wahlyng-kien Sunei ka la pynliem noh ïa ka Rangshangkham SC da 3-1 kol.
Ha kane ka jingïa-khun ka Rangshangkham ka la pynkhih jar shi kol ha ka kylla step lyngba u Firstdonkinal K Bani ha ka minit kaba 26. Hynrei ka Wahlyngkien ka la wanphai da ka jingkhlaiñ bor na ka bynta ban pynphai kylla haduh lai kol lyngba u Fillbanstar Nong -bet (51 & 90) bad u Aiboklang Khongwar (76).
Haba phai sha kawei pat ka jingïalehkai kaba ar, ka Mawlum Tyrsad SC ka la jop 1-0 kol ïa ka Mawponghong SC bad ïa kane la thep da u Banshem Khongsit ha ka minit kaba 8.
Kane ka lympung kan bteng biang ha ka 17 tarik hapdeng ka Umkseh SC pyrshah ïa ka Mawkynroh SC ha ka por 12:30 mynsngi bad ka Mawsawrit SC ïa ka Nongspung SC ha ka por 3 nohphai sngi.
