Khliehriat, Risaw 14
Ka Rymbai Ïawpynsing SC ka la khur jingjop ha ka 1st Division, katba ka Wahïajer Narpuh SSC bad Sutnga SSCC ki la ïasam mar shi poiñ ha ka Super Division ba la pynïaid da ka East Jaiñtia Hills District Football Association (EJHDFA).
Ha ka jingïalehkai jong ka 1st Division (Thomas Nongtdu Memorial Trophy) kaba la long ha ka sngi Balang ka Rymbai Ïawpynsing SC ka la pynliem da 3-2 kol ïa ka Ladrymbai Dongwah SWSC.
Ïa ki kol jong ka Rymbai Ïawpynsing la thep da u Rimiki Rymbai (9), kumjuh u Vincently Dkhar (32), bad u Entrust Bareh (61). Katba ïa ka Ladrymbai Dongwah la thep da u Deepson Tokbi (20) bad u Nistelroy Dkhar (27).
Haba phai sha ka Super Division na ka bynta ka 6th Kyrmen Shylla Contribution Trophy, hapdeng ka Wahïajer Narpuh SSC bad Sutnga SSCC ki la kut ha ka jingïakhaid khlem da lah ban pynkhih jar.
