U Sumar Sing Sawian:
Ha kane ka jingiajied paidbah, ia ki nongmihkhmat, sha ka Dorbar Thaw Ain ka jylla, ka la long ba ka jing-iapyni bad ka jingthong ia ka spah ka phew, ka hajar, bad wat da ki lak, ka long kum kawei na ki jingiathong, ha kane ka lympung.
U President jong ka Congress ha jylla, u Vincent H. Pala, uba ieng ban iakhun ia kane ka jingiajied nongmihkhmat, u don ia ka baje kti Rolex, kaba shongdor 8 lak tyngka, saw tylli ki telephone AAple, phone kiba shongdor san lak, bad hynniew tylli ki kali, ki jingdon jingim ki jong u, ki shnong dor 1.16.klur. Ka kurim ka jong u, ka don ka spah jong ki mar ki mata kiba shong dor 1. 32 klur tyngka. Kane baroh ka pyni, katno ka jing-riewspah jong ki nongiaknieh shuki nongmihkhmat, ha kane ka kynti kaba mynta. Ym pat ju don koit, haduh kine ki sngi, ba ki nongiaknieh ia ka bor synshar, kin don haduh katne ka spah kaba kiwei kiwei kim ju phoh sniew satia.Kumta lada don ka spah ka phew, ki angnud sa ia ka bor jong ka shong shuki.
Uba ar, ha ka jingialeh sa ia ka bor shuki, u dei uba ar, u riew don spah don phew na Mairang. Ka spah ka phew ka jong u, ka shong dor haduh 11 klur tyngka. Kumta lah ban iohi ba tang ka spah kam pat biang, dang donkam sa ia ka bor ha la ki kti lajong. U Metbah Lyngdoh, kumta u don ka jingshew pisa halade haduh 11.24 klur tyngka. Kumta ka pyrthei ka shu peit lyng-ngoh ia kat kane ka jingdon ka spah ka phew jong kiwei kiwei de, kiba ia knieh sa ia ka bor jong ka synshar ka khadar.
U Lyngdoh u don haduh palat 10 tylli ki kali kiba shongdor 3.34 klur tyngka. Uba iakhun na ka, na ka NPP, u James P. K. Sangma u don ka spah ka phew kaba palat ia ka shi klur tyngka, hynrei u dang kwah hir hir ban nang lum ia ka spah ka phew ka jong u. Ka spah ka phew jong ka kurim ka jong u ka long haduh 16.57 klur tyngka lah ban iohi namarkata, ba bun kiba ia khun ban ioh ia ki shuki jong ka bor ka synshar, ki la long lypa ki riew jong ka spah ka phew ka lak ka putit, ia ka bym ju iohi lane iohsngew kum ha ki por kiba mynshuwa. U Shitlang Pale, u don k I par dewiong kiba palat ia ka spah kaba san klur tyngka. U Myntri Rangbah ba mynshuwa u jong ka Pynursla, u don haduh. 3, 68, u don haduh 3. 1 2.3. klur tyngka.
U nongiakren na North Shillong, uba long mynshuwa u, don ka spah ka phew kaba lai klur tyngka. Kumta ym lah satia ban niew kyrteng, ia ki riew longspah long phew, kiba sa ia ka bor synshar khadar ha kane ka thong ban ioh pat sa ia ka bor jong ka synshar khadar. Ha ki por kiba mynshuwa kito kiba iakhun ia ka bor synshar, ki dang ialeh ban ioh tang ki jingkynshew kiba malu mala, na ki paidbah. Hynrei la iohi ba ki por ba mynta ki la kylla nadong shadong, khamtam na ka liang jong ka ioh ka kot, bad ka jingdon jingem, jong kito kiba kwah ban ioh sa ia ka bor jong ka synshar ka khadar. Kaba bun jong kiba bun spah, ka dei ka jingioh lane jingdon ia ka spah jong ki mar poh khyndew khamtam, u dewiong, u maw shun bad kiwei kiwei kumta baroh kine ki dei shisha jong ka Mei Ramew, jong kane ka Ri Hynniewtrep Hynniewskum.Ka spah ka long namar kata ka bor. Ka bor ka long pat mynta ka spah ka phew.
