Bhubaneswar, Rymphang:
U Myntri ka sorkar kmie uba dei khmih ïa ka tnat pule-puthi u Dharmendra Pradhan u la wer na ka bynta ban nang pynbha shuh shuh ha kaba ïadei bad ki rukom ai jinghikai pyntbit ïa ki nonghikai khnang ban lah ban nang pynkhlaiñ shuh shuh ïa ki rukom pyntreikam ha ki skul.
Ha ka jingai jingkren jong u ha ka jingïalang ba la pynlong ha kine ki khyndiat sngi halor ka prokram ba la tip kum ka ‘Strengthening Teaching, Learning and Results for States (STARS) kaba la sdang ha Bhubaneswar ha ka sngi Palei, u Myntri sorkar u la ong ba ki khynnah pule jong ka lawei kin dup long kiba shemphang ba shai jingmut lada ai ki jinghikai pyntbit sha ki nonghikai skul.
Ka Progress of the World Bank and State-funded STARS Programme ba la pyntreikam ha Odisha bad ha ki san tylli ki jylla kiba kynthup ïa ka Rajasthan, Maharashtra, Kerala, Madhya Pradesh bad Himachal Pradesh ki dei kiba la khmih bniah da u Pradhan.
U la bthah ïa ki heh ba dei khmih bad ïa ki nonghikai ba ki dei ban nang pynkhlaiñ bha ha kaba ïadei bad ka pule-puthi katkum ka jingtreikam jong ka National Education Policy (NEP)-2020.
Kum ka jingai jingmut ïa ki ha kaba ïadei bad ka jingpyntreikam ïa ki buit kiba thymmai ha ka jinghikai bad ka jingpule, u la ong ba ka National Curriculum Framework (NCF) ka dei ka nongrim jong ka NEP.
Ha kaba ïadei bad shi bynta ban pynkynmaw halor ki 6 tylli ki distrik ban pyntreikam ïa ka NEP bad pynïasoh bad ka PM Shri Yojana, u la ong ba ïa ki Sport bad ki jingïalehkai kiba ïadei bad ki ba la buh ha ki prokram na ka bynta ka jingbha jong ki khynnah la dei ban pyntreikam.
