Shillong,Rymphang:
Sa tang khyndiat sngi, ka jingkhroh ka jingkjor, ka jingialap ka jingpynksan ia lade kan sa kut noh. U paidbah nongshong shmong ka Meghalaya un sa lah ban pynpaw pyrthei ia la ka jingstad jingshemphang ka bor, ka iktiar, ka hok, ban pynpaw ia ki briew kiba kumno un jied ki ban long ki nongialam, ki nongpyniaid ia ka spah ka phew, ki jingdon jingem ba ka, jylla ka don. Ym tang katta, hynrei ki nongialam kiba tip bad sngewthuh ia, ka jingkordor ka jylla, ka jingkordor ki nongshong shnong naduh ki khunlung ba dang shu kha haduh ki tymmen ki kro ki bym don bor shuh na lade, naduh ki khynnah kiba dei ki lawei ka jaidbynriew haduh ki samla (kynthei bad shynrang) ki ba dei ki rishot ki nongkyrshan ka jylla, ka jingkordor ki samla rangbah bad ki rangbah kiba dei ban pyntyllun ia ki shalyntem ka im lang ka sah lang, ka roi ka par, ka bha ka miat ka suh ka sain ha ka jylla ha ki bynta ba pher ba pher ba ki don bad ban pyndonkam bad ai lad ia ki ba kin pyni ia la ki dap ki talen ba, U Blei U la, pynkup ha ki
Ka 2 tarik u Lber kan pyni katno hajar ki nongshong shnong kin ngop ha ki kyntien jali jaum ba, shisien San smem, katno hajar kin ngop ha ka jingshah thied ba tad dor ha, ka bor pisa. Kan long ka ba sngewshyrkhei ban iohi katno hajar kin bieit ha ki jingkular 3000/ shibnai, lane 2000/shibnai, ki jingkular ban ai kawei ka kam na ka bynta kawei pa kawei ka, long iing!
Kita ki kwah thaw sorkar da ki jingkular kum kitei, nangno mo kin ioh ka tyllong sei pisa ka ba jylliew haduh katta katta ba kin sei ban ai ia kawei pa kawei ka riew kynthei ha ka jylla, ia baroh ki samla, khlem kam… Katno ngut ki don ki kynthei kiba bsa hi ia la ka iing ka sem ? Katno ngut ki samla bym don kam ? Balei kim don kam ? Hato don jubab ia ki ta ki jingkylli ?
Ki don bun ki samla ki bym don kam namar ba kim treh ban trei, kiba kwah ban don ha ka, kam ym ban trei hynrei tang ban ioh tulop ! Ki don bun kiba kwah tang ka, kam kaba suk, ngam tip ka kam aiu kata. Iohsngew bunsien ba ki samla haba, kylli balei phi khlem trei shuh hangto haba phi ju don ? Kiba jubab ba ani thait phi bunkam palat, ym ju ioh shuti, khia than ka kam, salia phi namar hap leit sha nongkyndong bad kumta ter ter
Nga ieh ha ki nongpule ba kin pyrkhat Hato ka jingkular ban ai ia kita ki jingai 1000/, 2000/-, 3000/- ki shong nia ne em. Kito ki bala dep pyndap ia ki form Hato ki la, kylli mo katno kan neh kata, ka jingsiew ? Lada ki shong nia nangno ka thymmei sei pisa, bad balei ki sorkar bala leit noh kim shym la nang bam pyrkhat kumta naduh mynshua haba ki dang don ha ka bor. Ki dkhot jong ka, sorkar MDA, balei kim shym la ai jingmut lem kumta mynba ki dang ia long Minister ha kane ka sorkar. Nangno ki ioh jingmut ban pynmih kita ki kam da ki lak tylli mynta ha ka por ialap ilekshon haba 5 snem ha ka sorkar pat ki post ki ba lait ruh ym shym la lah pyndap, ki post thymmai ba ki pynmih kum ki post Consultants bad Advisors etc etc da ki phew tylli pat ki tthep da ki briew na shabar ba ym don ki briew lajong kiba tbit ! bad ia kata ym don nongmihkhmat ba kren pyrshah , mynta pat ki kular ban pynmih kam, ki kam aiu? Hato kita, ki samla ka jylla kin tbit ban trei ia kita ki kam ne yn sa hap ban khot na, kiwei pat ki jylla ba marjan ban pyndap ia kita ki post ?
Ka por ka dang don ia ngi marwei marwei ba ngin shong ngin duriap ban pyrkhat ia la ka kamram ba ngi don ha lade naka bynta ka bha ka miat ka imlang ka dah lang.
Kaei ka ban mih na kane ka ilekshon mynta ? La jynjar ban pyrkhat. Ki Seng Rewlum kiba kam ba ki ieit jaid bynriew, Hato balei mo kim lah ban ia wan lang ha kajuh ka lama ban ia trei lang haba ki don ka juh ka jingthmu ? Balei ba ki ieng pyrshah kawei ia kawei pat ka semg riewlum para maki hi ? Hato kam long kaba ithamula ia ki wei pat ki jaidbynriiew Hato kam pyni ba ngim don ka, jingiatylli bad Hato ym dei kane kaba, pynlong ia, kiwei pat ki jaidbynriew ba kin wan ia leh shongshit bad leh trai hangne.
Hato mano na ki briew jong ki kiba kot rynieng ban long nongialam ba ha khmat eh ? Mano ban lait kren ynda poi ha, Delhi, ka ktien aiu kin kren? Katno kin shlur ban kren ? Katno ki shaniah ha lade ba kin lah ban kit ia burom ka state ha ki tyrpeng jong ki.
Ban shu kwah long CM te kaba suk bha hynrei ban kit ia ka lyngkor Hato mano ban nud ban ong “Nga lah” Ban shu pynshong shit ia kiba la shongshit lypa da ki jingdih da, ka ba, ong “in Delhi Modi govt,……in ..Meghalaya CM…. ……BJP, suk bha hi keiñ, HYNREI ban wan rah ia ka jingkylla ngi donkam ban peit noh ia ki khmat thymmai, da ka jingkyrmen ba in lah ban leh kumta,
Tip yn jia aiu lada ki briew kiba bha kiba trei na ka bynta u paidbah, kiba u paidbah u ieit bad u don jingkyrmen bad u kwah ban ai lad HYNREI kiba don pat ha ki party la ka jong ka jong ki ia jop lut….. Tip kum kata lah mo ban jia ? Kaei ka ban bud nangta ? Ki kyrtong kiba ieng ki la ju pyrkhat mo ia kane… Shano kin leit, badno kin iateh lok haba dang shi taiew mynshua ka jingiabeiñ ia khoh ka jingiakop ka bym sngewthuh sngewthaw shuh…
Tang kawei ka lad.. Mangi ki paidbah nongjied, ngin pynrit ia lade, ngin ia leit lang baroh sha, U Blei ha jingduwai ban kyrpad iaU Blei ba Un dang ri ia ka jylla jong ngi bad ia ngi ki briew jong U bad pyllait ia, ngi na ki jingma ki ba ap ia ngi, da kaba, ai ha ngi ia ka jingstad jingshemphang ba ngin nang ban pynmih ia ki briew napdeng kita ki 375 ngut, da kiba ithuh ia U Blei ba U long ma U U Trai ki jylla ki hima U ba halor tam na ki nongsynshar baroh bad Uba pynkhyllem ia, ki syiem bad ia, ki myntri bad Uba, sei bad thung ia ki ruh(Daniel 2:21) .
Jeremiah 32 : 27 :- Ha khmih, nga long U Trai, U Blei ka doh baroh don ka bym lah bad Nga?
Dr. Valencia, Myrboh
