Ranchi, ïaïong:
Ki la don baroh kumba 1,950,000 Dose ki dawai ïada Covid ïa ki bym long shuh ban pyndonkam naba la kut ka por ba la buh ban pyndonkam ïa ki kiba la shah pynduhbor noh ha ka Distrik Hospital kaba don ha Deogarh ha Jharkhand.
Kane ka jingjia ka la long ha Sadar Hospital ha ka jaka treikam jong u Civil Surgeon.
Ïa kine ki dawai bym long pyndonkam shuh la shet ha ka um thnam bad hadien kane la thang ïa ki ha kawei ka thliew ba la tih, kumba la bthah ki kyndon ba la wan na ka sorkar. U DRCHO jong ka Deogarh Sadar Hospital, u Dr Alok Singh u la ong ba kine ki 1,95,000 tylli ki dawai ïada Covid-19 kiba la kut noh ka por ban pyndonkam ha ka 31 tarik, Lber, 2023 ki la shah pynduhbor noh ha kaba la shet bad tep ïa ki ha lyndet ka jaka treikam jong u Civil Surgeon, kumba la bthah da ka sorkar.
