Shillong, Ïaïong 04:
U Bah Hamletson Dohling, u Myntri barim ka Jylla bad uba la shah rem noh ha ka ilekshon MLA kaba dang shu dep, u la shah thung kum u nongaibuit ne u Adviser jong u Myntri Rangbah ka jylla.
U Bah Hamlet u la jop nyngkong eh ïa ka ilekshon MLA ha u snem 2018 na Mylliem Konstitwensi ha kaba u la ïoh ruh ban long syndon kum u Myntri hapoh ka Sorkar. Pynban ha kane ka ilekshon MLA ba dang shu dep u la shah rem noh ha kaba u la poi syndon ha ka kyrdan kaba lai.
Lah ban pynkynmaw ba u Bah Hamlet u la iehnoh ïa ka People’s Democratic Front (PDF) kaba dei ka seng ba u jop kum u MLA bad rung sha ka NPP shwa jong ka ilekshon. Kumta da kane ka jingshah thung kum u nongaibuit kan pynhun ïa u, wat hadien ba u la shah kyntait ha ki paidbah.
Kum u nongaibuit jong u Myntri Rangbah, un ïoh ïa ka kyrdan bad baroh ki jingmyntoi hapoh ka Category A+.
