Bengaluru, ïaïong:
Ki heh ba dei khmih ha ka kam ilekshon ha kine ki khyndiat sngi ba la leit ki la ïoh ban kurup ïa ka ksiar kaba 8.6 kilo kaba la kot sha ka T. 1.47 klur bad ka pisa kaba T. 3.37 klur ha Bengaluru. Ha kaba ïadei bad ka jingïathuh ka tyllong khubor, la ong ba ka jaka treikam jong u Chief Electoral Officer (CEO) jong ka Karnataka ka la ong ba ka kynhun Flying Squad bad ki pulit ki la ïoh ban kurup ïa ka ksiar kaba la kot sha ka T. 1.47 klur ha C V Raman Nagar konstitwensi ha kaba ka Income Tax Department ka la ïoh ban kurup ïa T. 3.37 klur ka pisa ha Padmanabha Nagar konstitwensi.
Nalor kane, la ïoh ruh ban kurup ïa 47,030 liter ka kyiad. Halor baroh, la ïoh ban kurup ïa ka pisa kaba T. 17.36 klur, 3.28 lak litre ka kyiad kaba la shongdor sha ka T. 22.35 klur, 82.85 kilo u drok uba la shongdor sha ka T. 42.66 lak, 22.691 kilo ka ksiar kaba shongdor T. 8.51 klur bad 93.563 kilo ka rupa kaba shongdor T. 65.19 lak bad ki jingai sngewbha kiba la kot sha ka T. 11.79 klur.
Ka jingïoh ban kurup da ki kynhun ba dei khmih ki la long naduh ba la pyntreikam ïa ka Model Code of Conduct kiba kynthup ïa ka pisa, ki tiar, ka kyiad, u drok bad kiwei pat, ka la kot baroh sha ka T. ?61, la ïathuh ka tyllong khubor. Ka jingpyntreikam jong ki kynhun ba dei khmih ka dang ïai bteng khamtam ban khanglad ïa ka jingpynkheiñ jong ki riewshim kabu ïa ki kyndon aiñ ba la buh bad ka jingleit khynra ka dang ïai bteng.
