New Delhi, ïaïong:
Ka la don ka jingkyrpad ba la buh ha Supreme Court da u muktiar uba la dawa ba la dei ban thung da ka kynhun Independent Expert Committee hapoh ka jingïalam jong u Former Supreme Court Justice na ka bynta ban bishar bniah shaphang ka jingdon jong ki jingïasiat kiba la jia naduh u snem 2017 kumba la ong da ka Uttar Pradesh Special Director General of Police (Law and Order) bad ruh ban tohkit bniah halor ka jingshah pynïap jong u Atiq bad u Ashraf kiba dei shipara ha ka por ba ki don ha kti ki pulit Uttar Pradesh.
U runar uba la kylla long u riewsaiñ pyrthei u Atiq Ahmed bad u Ashraf ki la shah siat ha ka por ba dang ïalam ïa ki sha ka jaka ai jingsuamr kaba don ha Prayagraj ha ryngkat ka jingdonlong jong ki pulit.
U muktiar Vishaal Tiwari u la buh da ka Public Interest Litigation bad u la dawa ba la dei ban buh da ka Independent Expert Committee hapoh ka jingïalam jong u Former Supreme Court Justice na ka bynta ban tohkit halor ki 183 tylli ki jingïasiat ha kaba ki la jia naduh u snem 2017 kumba la ong da ka Uttar Pradesh Special Director General of Police (Law and Order).
U la dawa ruh ba la dei ban tohkit bniah halor ka jingshah pynïap jong u Atiq Ahmed bad u Ashraf kiba la shah siat ha ki runar ha ka por ba donlang ki pulit.
U muktiar Vishal Tiwari, ha ka jingkyrpad jong u, u la dawa ruh ba la dei ban buh hukum na ka bynta ban lap ïa ka daw halor ka jingmih jong ka jingsiat beaiñ ha kaba la hukum ïa ka kynhun Central Bureau of Investigation ba kan tohkit halor ka jingjia, ban lum bad ban buh ïa ki sakhi ba biang ha kaba ïadei bad ka jingjia jong ka jingïasiat ba la tip kum ka Kanpur Bikru Encounter ha u 2020 ha kaba u Vikas Dubey bad ki nongbud jong u ki la shah pynïap ha ki pulit ha ka por ba la don ka jingïasiat naba ka kynhun ba la pynlong ïa ka jingtohkit ha kaba ïadei bad ka jingjia kam shym la lah ban buh ne wanrah ïa ki sabut ha kaba ïadei bad ka jingpynïap beiñ jong ki pulit bad la buh ruh da ka jingkyrpad ba la dei ban tohkit bniah na ka jingbym don kino kino ki sakhi halor ka jingjia.
