New Delhi, ïaïong:
U nongïalam jong ka seng Trinamool Congress u Mukul Roy kham ha shwa u la shah pynbna ha ki bahaïing lajong ba u la jah da bun kynta tat haduh ba un da poi ha Delhi ha ka rukom kaba iphylla ha ka janmiet jong ka Lah Sngi U Blei.
U Mukul Roy, uba la 69, la ngeit ba um don ha ka met kaba shait bakhlaiñ kumba long mynta.
Ha ka Video, la ïohi ïa u ha ka jaka sangeh liengsuiñ kaba don ha Delhi ha ryngkat ki nongsynran. Ha kaba ïadei bad kane, ka lad phah khubor kam lah ban ong ei ei ha kaba ïadei bad kane ka Video.
“Nga la trei ha Delhi, hato ngam long ban wan hangne?” u la ong ha ka jingïakren bad ki nongthoh khubor haba la kylli ïa ka jingdon jong u ha ka nongbah. Hato phi la don hangne na ka bynta ka jingshah sumar. Em u la jubab namar ba u donkam kyrpang. Balei ngam long ban wan ha Delhi, nga dei u MLA…MP hangne. ” la ong u MP barim jong ka Parliament.
U la kyntait halor ka jingong ba u la leit sha ka nongbah Delhi na ka bynta ki kam saiñ pyrthei, hapdeng kum kane ka por ba ka la don ka jingkhmih lynti ba ka jingleit jong u ka lah ban long na ka jingthmu ban pynïadei bad kawei pat ka seng kaba u la kynriah hadien ba u la leit phai sha ka seng Trinamool na ka seng BJP ha u snem 2021.
Ki bahaïing jong u Myntri barim jong ka tnat Railway ki la buh da ka jingujor ba u Roy u la jah.
U khun jong u Mukul Roy u Subhragshu, uba long u nongïalam jong ka seng Trinamool Congress, u la ong ba ka Phone jong u kpa jong u ka la Switched Off ha kaba la shim ïa ka pat da kiwei pat ki briew.
“Ka jinglong ka bor pyrkhat jong u kam biang. Ki la don kumba katto katne tylli ki seng saiñ pyrthei kiba la leh ei ei sha lyndet bad u Mukul Roy. Ki la don ki katto katne ngut ki briew kiba la kit ïa u. Ngam shym ïohlad ban ïakren bad u,” la ong u Subhragshu Roy ha ka jingïakren bad ki nongthoh khubor.
U la kyntait ruh halor ka jingbna khubor ba u kpa jong u u la leit ban pynïasoh bad ka seng BJP mynta, um lah ban leit pynïasoh bad kiwei pat ki seng naba um don ha ka bor jingmut jingpyrkhat kaba biang.
Ka jingmut kaba hakhmat eh jong nga ka long ban wan ïalam biang ïa u bad ban phah sumar. Ka ïing ka sem mynta ka khuslai halor ka jinglong ka koit ka khiah jong u,” u la ong, ha kaba u la pynshisha da kaba ong ba kam shym la don kano kano ka jingïapher jingmut hapdeng jong u bad u kpa jong u.
