Hyderabad, ïaïong:
Ki pulit jong ka Telangana da ka jingjop ki la lah ban ïada bad pyllait im ïa ki 34 ngut ki khynnah ha Kazipet Junction ïa kiba la shah khaïi na Bihar.
Ki pulit ka tnat Railway Protection Force (RPF) ha ryngkat kiwei pat ki kynhun ki la pynlong ïa ka jing-leit thwet kaba jur na ka bynta ban ïoh ban pyllait im ïa kine ki khynnah kiba la shah die na Bihar.
U heh jong ka kynhun pyllait im u la ong, “Kiba bun ki briew na ki jylla bapher bapher ki la leit sha Hyderabad bad Secunderabad na ka bynta ban pynlong ïa ka jingleit wad ïa kine ki khynnah. Ka long kaba sniewbok ba kiba bun ki khynnah ki la shah pynbiej halor ka jingkular ban pynbiang kam na ka bynta jong ki, hynrei ka jingkular ka la kut noh ha kaba ki la hap ban trei ha ki karkhana kum ha ka ban shna ïa ki khadu bad ki tiar kiba pyndonkam bad bret noh ynda la dep ban pyndonkam. Ha kaba ïadei bad kane, ki pulit jong ka Telangana ki la pynsted ha kaba ïadei bad ka jingpyntreikam bad ki la lah ban ithuh bad lap ïa kine ki khynnah ha Kazipet Junction.”
“Ïa kine ki khynnah kiba la shah pyllait la rai ban phah sha ki shnong jong ki, bad ka sorkar jylla kan sa kitkhlieh halor ki jinglut jingsep baroh,” u la bynrap.
La pyntip ruh sha ki nongtrei mon sngewbha na ka bynta ki khynnah rit ha Bihar, bad ba kin sa pyntikna ba kine ki khynnah kin sa poi suk sha ki shnong bad ki ïing jong ki.
