Srinagar, Jymmang:
Ka National Investigation Agency (NIA) ha ka sngi Palei ka la pynlong ïa ka jingleit khynra hynnin ka sngi ha ki saw tylli ki jaka kiba don ha Baramulla distrik, na ka bynta ban khmih bniah halor ki sabut ban pynshisha halor ka jingdonkti ha ki kam lehnoh, la ong ki heh jong ka kynhun.
Ka NIA ka la pynlong ïa ka jingleit khynra sha ki saw tylli ki jaka ha ka Old Town jong ka Baramulla distrik, ha ka bynta kaba shaphang Shatei jong ka Kashmir, ha kaba ïadei bad ka jingjia ba la donkti bad ki lehnoh ha Union Territory, la ïathuh shuh shuh ki heh ka kynhun.
ïa ki heh jong ka NIA ha katei ka sngi la synran lang da ki pulit bad ki pulit ka tnat CRPF, ki la ong. Ki la ïathuh ba haduh ba la thoh ïa ka khubor ym pat ïoh jingtip ei ei ha kaba ïadei bad ka jingleit khynra jong ki.
Ha ka Sngi Ba-ar ka NIA ka la leit ban khynra sha ki 12 tylli ki jaka kiba don ha Jammu & Kashmir kum shi bynta ban pynlong ïa ka jingtohkit ha kaba ïadei bad ka jingdon jong ki jingïasuhbuit halor ki kam pyntriem bad ki nongkyrshan kiba dei na Pakistan.
Na ki 12 tylli ki jaka, 11 tylli ki dei kiba don ha ka them Kashmir, phra tylli ki jaka ki dei kiba don ha Pulwama distrik bad mar kawei ha Kulgam, Anantnag, bad Budgam distrik bad kawei ha Poonch distrik jong ka thaiñ Jammu.
