New Delhi, Jymmang:
Ka Mayor jong ka Delhi ka Shelly Oberoi ka la ong ba ka Municipal Corporation ka la don jingthmu ban khmih bniah ïa ki nongpynkhuid jaboh ha kaba ïadei bad ka jingtreikam jong ki kaba man ka sngi.
Ka la ong ïa kane ha ka por ba ka la ïakren bad ki nongthoh khubor ha ka por ba la don ka jingleit khmih bniah ïa ka Waste-to-Energy Plant kaba don ha Tughlakabad.
“Ngi la don jingthmu ban khmih bniah ïa ki nongtrei kiba ju pynkhuid ïa ki jaboh jabaiñ bad ban khmih bniah ïa ki ha kaba ïadei bad ka kam kaba ki ju trei manla ka sngi. Lyngba kine ki jingkhmih bniah, ngin sa lah ban khmih bniah ïa ki ha kaba ïadei bad ki kam ba ki trei,” la ong ka Mayor.
Ha kaba ïadei bad ka jingbun jong ki jingjia shah dait ksew, ka la ong, ba kin sa don ki jingkhmih bniah ha kylleng ki jaka ba ju pynduh khun ïa ki ksew bad ka MCD kan sa treikamlang bad kiba bun ki seng treimon sngewbha.
Ha kaba ïadei bad ka mat halor ki ksew shang lymwir, ka la ong, ki la don kumba saw tylli ki jaka ba la buh ïa ki kiba hapoh hapoh ka jingkhmih jong ka sorkar Delhi.
“Ngan sa phah jingthoh sha u Myntri ka Cabinet ha Delhi u Gopal Rai ba un plie sa ïa kaba san ka jaka sah na ka bynta kine ki ksew bym don jaka sah,” la ong ka Oberoi.
Ha kaba ïadei bad ka jingbuh jingkylli halor ka Waste-to-Energy Plant, ka la ong, ka Plant kaba thymmai kumba la thmu la dei ban buh ha Narela Bawana, ha kaba ka la bynrap, “Mynta ngi dang buh jingthoh bad ha ki lai snem, yn sa pyntreikam ïa kane”.
