Ahmedabad, Jymmang:
Ka ïingbishar ba kyrpang jong ka kynhun NIA ha Gujarat ka la kem ïa arngut ki briew kiba la don bynta ha ka ban pynïaid ïa ka pisa thok bad rai ban set patok ïa ki 10 bad 7 snem.
U heh jong ka kynhun NIA u Sanjay Kumar u la ong ba u Mohanbhai Devaliya u la ïoh ïa ka rai pynshitom ban shong patok 10 snem ha ryngkat ka kuna kaba T. 10,000 katba u Tahir ba la tip ruh da ka kyrteng kum u Kaliya u la shah rai pynrem naba u la pynkheiñ ïa kiba bun ki kyndon ha kaba u la shah pynngat hapoh ki kyndon jong ka IPC bad u la hap ban shong patok da kumba 7 snem ha ryngkat ka kuna kaba T. 10,000.
Kumba la ïathuh ki heh ba dei khmih, la ong ba ka kynhun ATS jong ka Gujarat ka la buh da ka jingujor ha u snem 2018 bad la rai da ka ïingbishar ba kyrpang jong ka kynhun NIA ha Ahmedabad ha kaba ïadei bad ka jingbatai bniah ba la phah da ka kynhun tohkit.
Hadien kane, ka kynhun National Investigation Agency ka la shimti ban pynlong ïa ka jingtohkit.
“Ka kynhun NIA ka la pynlong ïa ka jingtohkit ha kaba ïadei bad kane ka bynta bad ka la ïoh ban kem ïa ki briew kiba don bynta ha ka jingpynsaphriang ïa ka pisa thok na Bengal ha ka jylla,” la ong ka kynhun NIA.
