Raipur, Jymmang:
Ki bom Improvised Explosive Devices (IED) kiba khlaiñ bor ïa kiba la buh da ki lehnoh Naxal hapoh ka surok la lap ha Bijapur distrik jong ka Chhattisgarh ha ka sngi Balang, la ïathuh ki pulit. La lah ban khanglad ïa ka jingjia kaba sngewsih ka ban lah ban mih na ka jingbthei jong kine ki bom naba la lap noh ïa ki ha ka por ba biang, la ïathuh u heh pulit.
Ïa ki ar tylli ki bom la lap napoh ka surok Awapalli-Basaguda haba ka kynhun jong ka tnat shipai Central Reserve Police Force (CRPF) kala mih ban pynlong ïa ka jingleit khmih bniah bad ka jingpahara.
Kumba ka la jia, la ïathuh ba ka jingbthei jong u bom IED ka la shim ïa ka jingim jong ki 11 ngut ki briew ha ka distrik ba marjan ha Dantewada ha u bnai, Ïaïong ïa uba la buh da ki lehnoh ban pynbthei, la ïathuh u heh pulit. Ki shipai jong ka kynhun 168th bad 222nd battalion jong ka tnat CRPF ki la don bynta ban pynlong ïa ka jingleit pahara ha ka sngi Balang, u la ong.
Ïa kine ki bom IED la buh ha ka synduk buh jingbuh kaba dei da ka plastik, ha kaba la tynrong ïa ka ha ka jingjrong kaba san phut jong ka surok ha kaba la tih pynjylliew da phra phut ka jingjylliew bad phra phut ka jingïar narud surok. Ïa kine ki bom la lah ban pynduhbor noh da ka kynhun Bomb Disposal Squad.
Ha ka jingjia kaba la jia ha ka 26 tarik, Ïaïong, ki la don kumba 10 ngut ki pulit jong ka kynhun District Reserve Guard jong ka tnat pulit bad uwei u nongñiah kali ki la ïap hadien ba ki lehnoh Naxal ki la pynbthei bom ïa ka kali ha kaba ki la shong ha ka ban leit jingleit ha Dantewada distrik.
