New Delhi, Jymmang:
U nongïalam jong ka seng AAP bad u Myntri barim jong ka Delhi u Satyendar Jain hynnin ka sngi u la shah pynkit sha ka jaka ai jingsumar ha Deen Dayal Upadhyay Hospital hadien ba u la kyllon khlem tip briew ha ka jaka leit bar kaba don ha Tihar Jail, la ïathuh ka tyllong khubor kaba la wan na ka seng.
U Jain u la shah set patok naduh ba u la shahkem ha ka kynhun Enforcement Directorate ha kaba ïadei bad ka jingshah kynnoh donkti ha ka jingkamai ïa ka spah bymhok ha u Jymmang.
“U Satyendar Jain u la shah pynkit sha Deen Dayal Upadhyay Hospital.
U la kyllon na ka jingking baïong bad kem tlot ha ka jaka leit bar ha Tihar Jail. Wat hashwa kane, u Satyendar Jain u la kyllong teng ha ka jaka leit bar bad u la don ka jingmynsaw na ki bynta u shyieng budlum jong u,” la ïathuh ka seng Aam Aadmi Party.
Ha ka lah sngi U Blei, u Jain u la shah pynkit sha Safdarjung Hospital naba um da sngew shait ka met.
