Chandigarh, Jymmang:
U Jarnail Singh, uwei na ki runar uba shyrkhei, ïa uba dang shah pyllait jamin, u la shah siat ïap ha Punjab hynnin ka sngi.
U Jarnail Singh u la shah siat ha ki briew ki bym shym la lah ban ithuh ha ka shnong jong u ha Sathiala kaba don ha Amritsar distrik.
Kumba la ïathuh ki pulit la ong, ba ki la don kumba saw ngut ki briew kiba la kah durkhmat kiba la thombor ïa u Singh ha kaba ki la siat da kumba 20 kuli ïa u. Katkum ka jingkhmih bniah na ka Closed-Circuit Television (CCTV) halor ka jingjia, la ïohi ba u Jarnail Singh u don habar ka jaka die marbam kaba don ha ka shong jong u.
Ka la dei ha kane ka por ba kitei ki saw ngut ki briew ki la mih na ka kali Maruti Swift jong ki bad sdang ban siat ïa u Jarnail Singh.
U Jarnail, u dei u dkhot jong ka kynhun runar u Gopi Ghanshampuria, une u dang shah pyllait jamin, la ïathuh ki pulit, ha kaba ki la bynrap shuh shuh da kaba ong ba ki dang pynlong ïa ka jingtohkit ba bniah halor ki rukom pyntreikam jong ki dkhot ka kynhun runar.
