Mumbai, Jymmang:
Ki la don kumba 524 tylli ki ïing ha Navi Mumbai ïa kiba la shah ñiew ba ki la buh jingma shibun. Kumba 61 tylli na kine ïing ki dei kiba la shah ñiew ba ki kham ap jingma bad la donkam ban pynkhyllem ne pyntwa noh ïa ki kham kloi katba lah.
Ka Navi Mumbai Municipal Corporation (NMMC) ka la pyllait ïa ka thup jong ki ïing ba la tor hashwa ban bteng ka jinghap slap ha kaba yn sa pyntreikam noh kham kloi katba lah halor kine. Ka Civic Body ka la buh ha ka thup ïa ki 61 tylli ki ïing kum kiba la buh jingma hapoh ka C1 Category, ha kaba la donkam ban pynpra noh ïa kine kham kloi katba lah.
Ki la don kumba 114 tylli ki ïing kiba la shah kynthup ha ka C2 Category ha kaba ïa kine la donkam ban pynpra noh ne ban maramot. Nalor kine, ki la don sa kumba 300 tylli ki ïing kiba la shah kynthup ha ka C2B Category ha kane ka thup kine ki la donkam ban shah maramot ne shna pynbha ha kaba ki briew kiba shong hapoh jong ki ki la shah pynkynriah jaka. Ha ka thup kaba shah kynthup ha ka C3 Category, ki la don kumba 49 tylli ki ïing kiba la donkam ban hap pynbha tang khyndiat eh.
Ha u snem ba la lah, ka Civic Body ka la pyllait ïa ka thup jong ki 514 tylli ki ïing kiba la tor ha ka nongbah, ha kaba ki la don bun ruh kiba la paw ha ka thup ha une u snem ba mynta ruh.
