New Delhi, Jymmang:
Ha ka jingïakren bad ki nongthoh khubor hadien ka jingïalang kaba la long bad ki heh nongïalam jong ka seng Congress jong ka Madhya Pradesh, u Rahul Gandhi u la pynpaw ka jingsngew-skhem ba kane ka seng kan sa ïoh ïa ka jingjop ha ki 150 tylli ki konstitwensi ha ki bynta ba marpdeng jong ka ri.
“Ngi la ïakren sani bha ha ka jingïalang kumba ka long mynta bad katkum ka jingantad jong ngi la ong ba wei ba ngi la ïoh ïa ka jingjop ha ki 136 tylli ki konstitwensi ha Karnataka, mynta ngin sa ïoh ïa ka jingjop sa ha ki 150 tylli ki konstitwensi ha Madhya Pradesh,” la ong u Rahul Gandhi ha ka jingai jingkren jong u.
“Ngin sa ïai bteng ïa ka jingpyntreikam ha MP kumba ngi leh ha Karnataka,” la ong u Gandhi, ha ryngkat ka jingdonlang jong u President jong ka seng MPCC u Kamal Nath.
Ha ka step jong kane ka sngi, kiba bun na ki nongïalam jong ka seng Congress na Madhya Pradesh ki la ïakynduh ha ka jaka treikam jong ka AICC na ka bynta ban ïakren halor ka jingpynkhreh jong ka jylla jong ki na ka bynta ban pynlong ïa ka ilekshon Assembly.
Ha ka jingïalang ba la pynïaid da u nongïalam jong ka seng u Mallikarjun Kharge, la leit ban ïashim bynta da u Rahul Gandhi, u KC Venugopal, u Myntri barim jong ka jylla u Kamal Nath, napdeng kiwei pat.
