Randhi, Jymmang:
Ka kynhun Enforcement Directorate hynnin ka sngi ka la pynlong ïa ka jingleit khynra sha kylleng ki jaka kiba don ha Jharkhand ha kaba ïadei bad ka jingdon jingïadei bad u MLA jong ka seng Congress u Pradeep Yadav bad kiwei pat halor ka jingshah kynnoh donkti ha ka kam klop tyngka, la ïathuh ki heh ka kynhun wad bniah. Une u nongïalam uba la ïoh long MLA la san sien na Poraiyahat konstitwensi jong ka jylla u la long u Symbud nongïalam jong ka seng ha State Assembly. Ki la don kumba 12 tylli ki jaka ïa kiba la don bynta bad u MLA ha ka jylla kiba la shah khynra kum shi bynta ban pynlong ïa ka jingtohkit ba la pynlong pyrshah ïa u hapoh ka jingtreikam jong ka Prevention of Money Laundering Act (PMLA), la ïathuh ka tyllong khubor.
U Yadav, uba la 57 snem ka rta bad uwei pat u MLA jong ka seng ki la shah khynra ha ki heh jong ka kynhun Income Tax Department ha u snem 2022 kum shi bynta ban tohkit halor ka jingkynnoh ba ka la don ka jingïaid lait ban siew khajna kaba long pyrshah ïa ki katto katne tylli ki kompeni ha kaba ïadei bad ka jingdie bad ka jingshalan ïa u dewïong, ka jingpyntreikam da ka Civil Contract, ka jingtih ïa u Iron Ore bad ka jingpynmih ïa u Sponge Iron ha Jharkhand.
