Chennai, Jylliew:
Ka kynhun Air Intelligence Unit (AIU) ha Trichy International Airport ka la kem ïa lai ngut ki briew ha ka sngi Balang bad kurup ïa kumba 1197.5 Grams jong ka 24-carat ka ksiar kaba shongdor T. 72,73,781, la ïathuh ki heh jong ka kynhun, ha ka sngi Balang. Ki heh ba dei khmih ki la pyntip ba ïa ka ksiar la ïoh ban kurup na ki lai ngut ki nongleit jingleit kiba la wan na Kuala Lumpur ha ka sngi Balang.
“Ka kynhun Air Intelligence Unit (AIU) jong ka Trichy ka la ïoh ban kurup kumba 1197.5 Grams jong ka 24-Carat ka ksiar kaba la shongdor T. 72,73,781 na arngut ki shynrang bad kawei ka kynthei kiba dei ki nongleit jingleit. Katba arngut ki nongleit jingleit ki la wan na Kuala Lumpur, sa uwei pat u la wan poi na Dubai lyngba na Colombo,” la ong ki heh ba dei khmih.
Ki la bynrap shuh shuh da kaba ong ba ïa katei ka ksiar la wanrah da ki nongleit jingleit da ki song ba la song bha ha kaba la don napdeng jong ki ba la long da kaba tylli bad don ruh kiba la pynni bad sboh. Ka jingtohkit ha kaba ïadei bad kane ka jingjia ka dang ïai bteng. Hashwa kane, ha u Jymmang jong une u snem, ka kynhun Air Intelligence Unit (AIU) ha Trichy International Airport ka la ïoh ban kurup ïa kumba 1091 Gram ka ksiar ba 24 Carat kaba la shongdor da T. 67,05,286 na uwei u b riew uba dei u nongleit jingleit. U heh ba dei khmh u la ng ba ïa kane ka ksiar la kurup na uwei u briew uba dei u nongleit jingleit uba la wan poi na Kuala Lumpur.
“Ka kynhun Air Intelligence Unit (AIU) jong ka Trichy ha kaba la kurup ïa 1091 Grams ka ksiar kaba 24-Carat kaba la shongdor da T. 67,05,286 na uwei u nongleit jingleit,” la ong u heh jong ka kynhun AIU. Hashwa kane, ha u Rymphang jong une u snem, ka Customs Department ha Trichy Airport kaba don ha Tamil Nadu ka la ïoh ban kurup ïa ka ksiar kaba la kot T. 47,67,198 bad ki tiar ilektrik kiba la shongdor T. 4,25,000 na uwei u nongleit jingleit uba la wan poi na Dubai ha ka Indigo Flight.
Ki tiar ba la ïoh ban kurup ki kynthup ïa ka ksiar bad ki tiar ilektrik, kiba la kot sha ka T. 51,92,198, la ïathuh u heh ba dei khmih. Hashwa kane, kata ha ka 29 tarik, Kyllalyngkot, ki heh jong ka tnat Customs ha Trichy International Airport ki la ïoh ban kurup ïa ka pisa bar ri da USD 10,000 ïa kiba la song ha ki jingriam kiba shapoh jong u nongleit jingleit. Ha u Nohprah jong u snem ba la lah, ka Customs Air Intelligence Unit (AIU) ha ka jaka sangeh liengsuiñ ha Trichy ki la ïohkem ïa uwei u briew bad ïoh ban kurup na u ïa ar tylli ki biskit ksiar kiba shongdor T. 8 lak, ïa kiba la song hapoh kawei ka tin.
