Kashmir, Jylliew:
Ïa ka jingpynbiang ha kaba ïadei bad ki surok bad ki lynti ki synkien na ka bynta ka Amarnath Yatra la aiti sha ki BRO naduh u bnai Nailur jong u snem 2022 na ka bynta ban khmih bniah bad ban pynbha ïa ki.
Hashwa ïa ka lynti ban pyndonkam na ka bynta ka Yatra na Baltal sha Holy Cave la pynbit pynbiang da ka PWD (R&B) bad kawei kaba na Chandanwari sha Holy Cave la khmih bniah da ka Pahalgam Development Authority. Ki kam kiba hakhmat eh ha kaba ïadei bad ki jngpynbit pynbiang ïa ki jngdonkam ha ki surok bad ki lynti ki synkien, ki la long ka jingpynkhuid ïa ka ïor, ban pynheh bad pynïar ïa ka surok ne lynti ïaid, ka jingbuh ïa ki jingkieng kiba don bad ki jingker bad ka jingshna ïa ki kynroh ba la ker harud surok.
Ka kynhun BRO ka la dei ban pyndep ïa kane ka jingtrei ha ka 15 tarik, Jylliew, 2023 hashwa ban sdang ka Yatra ha ka 1 tarik, Naitung, 2023, la ong u DG BRO. Ka jingpyntreikam ïa ki lynti ïaid ka la sdang ha u Lber jong une u snem hadien ba la poi ka pisa ba la phah na ka bynta kane sha ka BRO da ka sorkar UT.
Ka BRO ka la shah bthah ba ka la dei ban pyndep noh ïa kane ka jingpyntreikam ha ka 15 tarik, Jylliew, 2023 naba ïa ka Yatra la rai ban sdang ha ka 1 tarik, Naitung, 2023.
Kumba ka long mynta, la ong ba ki la don kumba 8 tylli ki kali puh shilum bad kumba 1100 ngut ki nongtrei kiba la don bynta ban trei na ka bynta ban pynbha ïa ki lynti ïaid, ki Helicopter ki la don bynta ban rah ïa ki jingdonkam sha ki lynti ba dei ïaid riewblei ha kaba la ong ba ka jinghap jong ka ïor ha u ne u snem ka la kham jur haba ïanujor bad kiwei pat ki snem kiba la leit.
