Chandigarh, Jylliew:
Ka kynhun jong ki nongïalam ki nongrep kiba dei na ki kynhun bapher bapher ha kine ki khyndiat sngi ba la leit ki la pynbna banPhah bteng u Dalal ban leit jurip bniah ïa ki ïing ba la shna beaiñ pynlong da ka jingïakhih ba la tip kum ka ‘morcha’ naduh ka 5 tarik, Nailar ban pyrshah halor ki jingeh ban ïoh um bad ka jingjaboh ka mariang.
Ka kynhun jong ki nongrep ka la phah ïa ka dorkhas sha ka sorkar ha kaba ïadei bad ka jingkyrduh um, ka jingjaboh jong ka mariang ha kaba ka la ktah jur ïa ka jylla. Kumba la pynbeit, la ong ba ha ka 5 tarik, Nailar, kan sa don ka jingïaid paidbah ka ban long ha Mohali bad hashwa ka jingïalang jong ka kynhun ki nongrep kan sa don shwa ka jingïalang jong ki kynhun nongïalam ha ka 15 tarik, Jylliew ha Kisan Bhawan, kaba don ha Chandigarh. Hadien kane, kin sa don shuh shuh sa kumba 7 tylli ki jingïakynduh kiba heh ki ban sa long hapdeng ka 11 tarik, Naitung haduh ka 20 tarik, Naitung ha kiba bun ki jaka jong ka jylla khnang ban pynsngewthuh bad wer ïa ki paidbah sha ka jingïakhih.
U Prem Singh Bhangu, uba long u President, jong ka All India Kisan Federation u la ong ba ki sorkar kiba la ïoh ban bat ïa ka bor ha ka sorkar kmie bad ka jylla ki la buh jingeh ïa ki briew jong ka Punjab ha kaba ïadei bad ka jingpyntreikam ïa ki aiñ ki bym long katkum ka Riti synshar ha kaba ïadei bad ki um ki wah. U la dawa ba la dei ban pynïoh um pahuh ha kaba ïadei bad ka thung ka tep ha Punjab naba kiba bun ki tyllong um ki la rngat noh. “Ka jingjaboh jong ka mariang ka la long ka bynta ba la hap ban shimkhia na ka bynta ban khanglad ruh ïa ka jingpyntuid jaboh na ki karkhana naba kane ka pynjaboh bad ka pynrngat noh ïa ki umpohliew bad ki wah, ha kaba kiba kum kine ki jingeh ki ktah jur ïa ki briew bad ïa ki jingthung jingtep,” la ong u Rajewal.
