Srinagar, Jylliew:
U President jong ka National Conference u Farooq Abdullah ha Lah Sngi U Blei u la ong ba ka jingpyndonkam bakla ïa ki Smartphone bad ka jingkyrni ha ka jingdih drok ki la paw ba ki la long ki jingap jingma ïa ki samla.
U la ong ruh ba ki samla jong ka J&K ki la ïakhun pyrshah ha kaba ïadei bad ka jingartatien, ka jingbym ïohkam ïohjam bad ka jingbym ïohlaitluid ha kaba ïadei bad ka synshar laitluid baroh ha kajuh ka por.
“Ka jingpyndonkam bakla ïa u drok ka la kynrei bha ha J-K. Ka la dei ban long ka bynta ha kaba la dei ban hap ban shimkhia. Ka sienjam kaba nyngkong ban poi sha ka jinglah ban pynsangeh bad khanglad ïa kum kine kiei kiei baroh ka sdang bad ka jingkhmih bniah jong ngi baroh. Ka la ïai bteng wat lada ym shym la ong, ba kine ki jingsniew baroh ki la long namar ka jingjur palat jong ka jingbym ïohkam ïohjam ha kylleng ki bynta jong ka J-K,” la ong u MP jong ka Lok Sabha ha ka jingai jingkren bad ki briew ha ka jingïalang kaba la long ha Budgam distrik.
Ka la dei ka por na ka bynta ka sorkar ba kan pynkylla noh ha kaba ïadei bad ki jingpyntreikam ban khmih bniah noh halor kane kum ka jingpang ban ïa kaba buh ba ki dei ki mat ha kaba ïadei bad ki aiñ ki kanun, u la ong.
U President jong ka NC u la ong ba da ki snem mynta, ka Kashmir ka la sakhi ba ki la don ki mat kiba thymmai ha kaba ïadei bad ka jingkyrni jong ka jingdih drok, ha kaba ka la long ka jingkhuslai kaba jur na ka bynta ka imlang ka sahlang jong ki nong Kashmir.
U la pynpaw ruh ka jingsngewkhia ha kaba ïadei bad ki jingpyndonkam Smart Phone jong ki samla ha kaba u la ong ba kaba bun ka por ba ki khynnah bad kiba dang hapoh 20 snem ka rta ba ki pynlut ka long ha kine ki tiar pyndonkam bad ka la long ka bynta kaba la buh ka jingsngewkhia ha kaba ïadei bad ka jingheh jingsan jong ki.
