Srilanka, Jylliew:
Ka jingkhie jong u jumai haduh san sien ha ka thaiñ Jammu ha ka sngi Balang ka la pyntieng pynsyier ïa ki nongshong shnong, shi sngi hadien ba la khie u jumai uba don ka jingthew da 5.4 Magnitude uba la ktah ïa ka Doda distrik jong ka Union Territory.
Kane ka jingkhie biang jong u jumai ka la pynlong ïa ki bor sorkar ba kin phah khang shwa ïa ki jaka pule kiba don ha ki ar tylli ki distrik kiba don halor lum kiba kynthup ïa ka Doda bad ka Kishtwar.
Ki heh ba dei khmih ki la ong ba u jumai u la khie ha ka thaiñ Jammu ha ka sngi Balang ha kaba ki la don kumba katto katne ki jingjulor hynrei ym shym la ïoh pat ïa ki khubor jong ka jingïap jong ki briew.
Ha Kishtwar, u jumai uba 3.3 Magnitude u la khynñ?uih ha ka por 8.29 mynstep.
Ka jingkhih jong u jumai ka la long ha ka jingjylliew kaba 5 km, la ïathuh ki heh jong ka National Centre for Seismology (NCS). Hashwa kata, ka jingkhynñiuh jong u jumai uba 3.5 la ïoh jingtip ba ka la jia ha Doda ha ka por 7.56 mynstep bad ka jingkhih jong u ka la long na ka jingjylliew kaba 10 km, la batai ka jingthoh ba la phah da ka kynhun NCS.
Sa ar tylli ki jingkhynñiuh jumai la ïoh jingtip ba ki la jia ha ka por ba dang step jong kane ka sngi. Ha ka por 2.20 mynstep, u jumai uba 4.3 Magnitude u la khynñiuh ha Doda distrik ha ka jingjylliew kaba 10 kilometers, la ong ka jingthoh. Sa uwei pat u jumai uba 2.8, Magnitude u la khynñiuh ha ka jaka kaba jngai kumba 74 km na ka bynta ba shaphang Mihngi jong ka Katra kaba don ha Reasi distrik ha ka por 2.43 mynstep, la ïathuh ka kynhun NCS. Ka jingjylliew jong ka jaka ba la khynñiuh ka la long da 5 km.
U jumai uba don ka jingthew kaba 3.4 Magnitude, u la ktah jur ïa ka Kishtwar ha ka por 4 baje janmiet jong ka sngi Balang. U jumai uba san u la khie ha ka thaiñ Jammu ha kaba u la khynñiuh ha ka jingjylliew kaba 5 km, la ïathuh ka jingthoh ba la phah da ka NCS. U jumai uba la khie ha ka sngi Ba-ar u la pynjulor ïa kiba bun ki ïing kiba don ha Doda bad ha Kishtwar. Ki la don kumba san ngut ki briew kynthup ïa arngut ki khynnah skul kiba la mynsaw, katba ki skul ki la khang kum shi bynta ban wanrah ïa ki lad jingïada kumba la hukum da ka sorkar.
