New Delhi, Jylliew:
U Myntri ka sorkar kmie uba dei khmih ïa ka tnat ki kam pohïing u Amit Shah un sa ai jingkren ha ka Mega Public Rally ka ban long ha ka 23 tarik, Jylliew kaba long ka lyngkhuh sngi ïap jong u Dr Shyama Prasad Mukherjee, la ong u heh nongïalam jong ka sneg BJP ha Jammu & Kashmir u Ravinder Raina.
Ka seng BJP ka la ñiew ba ka 23 tarik, Jylliew ka la long ka ‘Balidan Diwas’ jong u Mukherjee.
“Ïa ki Mega Public Rally la ju pynlong haman kawei pa kawei ka Parliamentary konstitwensi ha Jammu & Kashmir. Ha Jammu Parliamentary Constituency, ïa ka Mega Public Rally yn sa pynlong ha Jammu ha ka 23 tarik, Jylliew, ha kaba yn sa ai jingkren da u Shah,” la ong u Raina.
Ki nongïalam bad ki nongbud jong ka seng ki la dei ban pyllait por khnang ban lah ban ailad ïa ki riewpaidbah ba kin don bynta ha ki jingïalang, kynthup ha ka jingïalang ban pynlong da u Amit Shah, la ong u Raina ha ka por ba u la ai jingkren ha ka Maha Jan Sampark Abhiyaan Programme ïa kaba la pynlong na ka bynta ban pynpaw ïa ki kam ba ratbah jong ka sorkar u Narendra Modi.
U General Secretary (organisation) jong ka seng BJP ha J&K u Ashok Koul u la ong ba na ka jingpynlong ïa ka Maha Jan Sampark Abhiyaan la sakhi ba la ïoh ïa ka jubab na ki riewpaidbah bad kane ka la long na ka jingtrei shitom jong ki nongbud jong ka seng ha kaba ïadei bad ki rukom pyntreikam.
Kiba bun ki briew ki la dei ban poi ha ka jaka ban pynlong ïa ka jingïalang, la bynrap u Koul.
