Srinagar, Jylliew:
Ki la don kumba san ngut ki lehnoh bar ri kiba la shah pynïap ha ka por ba don ka jingïasiat kaba markylliang hapdeng ki shipai ïada ri bad ki lehnoh ha Kupwara kaba don ha Jammu & Kashmir ha ka sngi Thohdieng.
Ka jingleit khynra lehnoh ha kane ka thaiñ ka dang ïai bteng, la ong u Additional Director General of Police (ADGP) Kashmir u Vijay Kumar.
Kane ka dei ka sien kaba nyngkong ba la jia ka jingthmu rungtuh ha une u snem ha Kashmir na Kupwara Sector.
“Ka jingïasiat kaba markylliang ka la sdang hapdeng ki lehnoh bad ka kynhun ba la ïatreilang jong ki Army bad ki pulit haba ki la ïoh ïa ka jingtip kaba bniah halor ka jingdon jong ki lehnoh ba la phah da ki pulit jong ka Kupwara ha ka thaiñ Jumagund jong u LoC jong ka Kupwara distrik. Yn sa nang tip shai shuh shuh halor kane ka jingjia kham hadien namar ba ka jingtohkit ka dang ïaid shakhmat,” la ong ki pulit jong ka Kashmir Zone ha ka jingphah jingthoh lyngba ka Twitter.
Ha ka 13 tarik, Jylliew ki la don kumba 2 ngut ki lehnoh kiba la shah pynïap ha ka jingïatreilang jong ki shipai Indian Army bad ki pulit ka Jammu & Kashmir ha ka thaiñ khappud jong ka Kupwara distrik.
Ha basdang jong une u bnai, kata ha ka 2 tarik, Jylliew, uwei u lehnoh u la shsah siat ïap ha ka jingïasiat kaba markylliang bad ki shipai ïada ri ha Rajouri distrik kaba don ha Jammu & Kashmir.
