Ahmedabad, Jylliew:
Ki bor sorkar kiba dei khmih ha ka liang ka pule-puthi ha Gujarat, haba ki la ïohi ïa ka jingrandien jong ki khynnah kynthei ban leit pule ha ki skul, ki la ïaleh katba lah ban khring ïa ki ha kaba ki la thmu ban wanrah ki jingai jingmyntoi na ka bynta jong ki.
Ki heh ba dei khmih ki la ïaleh katba lah ban pynbiang ïa ki jingdonkam bad ban nang pynbha na ka por sha ka por khnang ba ka jingpule jong ki khynnah kan ym don jingshah ktah.
Ka jingduna jong ka jingleit skul ki khynnah kynthei ka la nang hiar katba nang mih ki por. Kaba kum kane ka jingduna ha kaba ïadei bad kane la ïoh jingtip ha kaba ïadei bad ka jingpynrung kyrteng jong ki khynnah kynthei ha ki skul Primary ha ki san snem kaba long naduh 41.98 lak ngut shaduh 39.80 lak ngut.
Ki la don kumba 1,000 tylli ki skul Primary na ka bynta ki khynnah kynthei ïa kiba la khang noh ha kine ki san snem ba la leh ha Gujarat, wat lada ka jingdon jong baroh ki skul Primary ka la kiew na ka 44,545 sha ka 45,023 tylli ha kum kane ka por, la ïathuh ka kaiphot ba la wanrah da ka Socio Economic Review Report 2021-’22 ïa kaba la ïathir hapoh ïingdorbar ha ki khyndiat sngi ba la lah.
Ka jingdon jong ki skul jong ki khynnah kynthei ka la hiar na ka 1,429 ha u snem 2016-’17 haduh 1,330 ha u 2020-’21.
Kaba kum kane ka jingïohlum jingkheiñ ka la long ha kaba ïadei bad ka jingpynrung kyrteng jong ki khynnah kynthei ha ki skul Primary ha kine ki san snem ha kaba ka la long 41.98 lak haduh 39.80 lak.
Napdeng ki 33 tylli ki distrik, ka Kutch ka la don bun eh ki skul Primary na ka bynta ki khynnah kynthei.
Ha u snem 2020-’21, ka Kutch ka la don ïa kumba 132 tylli ki skul Primary ha kaba la bud da ka Surat da 115 tylli ki skul.
Katba ka Aravalli distrik ka la don tang kawei ka skul na ka bynta ban ai jingnang jingstad sha ki khynnah kynthei.
Ka jingdon jong ki skul Secondary kata naduh ka klas 9-10 ruh ka la kham duna ha kaba ka la long naduh 167 haduh 132 ha u snem 2020-’21. Na palat 12,709 tylli baroh ki skul Secondary ha Gujarat ha u snem 2020-’21, ki skul jong ki khynnah kynthei ki la don 594 tylli.
Kane kam shym la don ka jingpynshisha ne lah ban sakhi ha klas 9 haduh klas 12 la ka don ne em ka jingkiew kaba long na ka 419 haduh 462 ha kum kane ka por.
Ha kaba ïadei bad kane, ki skul Higher Education, ka jingpynrung kyrteng jong ki khynnah kynthei ka la kham kiew ha kiba bun ki jaka pule.
Na 5.9 lak ngut ki khynnah pule kynthei ki la pynrung kyrteng ha ki 2,094 tylli ki jaka pule jong ka Higher Education kiba kynthup ha ki 177 tylli ki jaka pule kiba la mang na ka bynta ki khynnah kynthei ha u snem 2016-’17, ka jingpynrung kyrteng ka la kiew sha ka 7.12 lak ha ki 2613 tylli ki jaka pule kynthup ha ki 192 tylli ki jaka pule na ka bynta ki khynnah kynthei ha u snem 2020-’21.
Na ka liang ki bor pynïaid skul ki la buh ka jingkyrpad ïa ki bor sorkar ba kin ïaleh katba lah ban phah shim jingkheiñ ha kaba ïadei bad ka jingnang duna jong ki khynnah kynthei ba kin leit sha skul.
