Mumbai, Jylliew:
Ki pulit ki la kem ïa arngut ki nong Bangladesh, ha kaba baroh arngut ki dei ki shipara, halor ka jingsah beaiñ jong ki ha Palghar distrik kaba don ha Maharashtra khlem ka Passport bad ka Visa kaba dang treikam, la ïathuh u heh pulit ha ka jingïakren bad ki nongthoh khubor.
Hadien ba la ïoh jingtip shaphang ka jingdon jong kine ki briew, ka kynhun jong ki pulit ka la leit sha Chandansar Road ka shnong kaba don ha ka thaiñ Virar bad lap shisha ïa kine ki briew ba ki la sah beaiñ ha kane ka ri.
Ïa kine ki arngut kiba la shahkem la tip kyrteng kum u Soheb Mutalebi Shaikh (44) bad u Rahim Mutalebi Shaikh (34), kine kim shym la lah ban ai ïa ki kot ki sla kiba dang treikam bad ai jingbit ïa ki ba kin sah ha kane ka ri, la ong u heh pulit.
