Mumbai, Jylliew:
Ka sorkar Maharashtra ha ka sngi Balang ka la pynbna ba ka la pyllait ïa ka jingïarap pisa kaba la kot sha ka T. 1,500 klur na ka bynta ki nongrep kiba la ïakynduh jingeh na ka jingjulor jong ki jingthung na ka daw ka jingwah hap jong u slap uba jur ha ka por lyiur jong u snem 2022.
Ki la don kumba 26,50,951 ngut ki nongrep ki ban sa ïoh da T. 1,500 klur ka bailutksan na ka bynta ka jingjulor jong ki jingthung jingtep jong ki ha palat 15.96 lak hectare ka jaka, la ong ka jingthoh ba la phah da ki heh ba dei khmih jong ka Relief and Rehabilitation Department jong ka jylla.
Ki nongrep kim shym la ïoh jingïarap pisa hashwa namar kiba bun ki daw, ka la ong. Ïa ka rai ha kaba ïadei bad ka jingthmu ban ai bailutksan sha ki nongrep ki bym pat ïoh jingïarap la shim ha ka por ba ka la don ka jingïalang jong ka kynhun Myntri ha ka jylla kaba la long ha ka 13 tarik, Jylliew, la ong ka jingthoh.
