Ranchi, Jylliew:
Ka seng BJP ha Jharkhand kan sa ïakhun ïa ka ilekshon ha baroh 14 tylli ki Lok Sabha konstitwensi ha ka ilekshon Assembly 2024.
Kumba la ïathuh ka tyllong khubor kaba la wan na ka seng, la ong ba ka jing-leit jngoh jong u President ka BJP u JP Nadda sha Giridih hynnin ka sngi ka dei halor kane ka bynta jong ka jingpynkhreh ilekshon.
U Nadda, hapoh ka jingtreikam jong ka jingïalap na bynta ka seng u la don bynta ban ai jingkren ha ka jingïalang paidbah ha Jharkhand bad kumjuh ha Giridih bad ïakynduh ruh ïa kiba bun ki nongïalam jong ka seng BJP.
Ki heh nongïalam jong ka seng BJP ki la pyntip ba ka jingleit jngoh jong u Nadda ïa ka Giridh, ka long ba ka kwah ban pynpaw ba ka seng ka la don bynta ha ka jingpynkhreh na ka bynta ban ïakhun ha baroh 14 tylli ki konstitwensi ha Jharkhand.
